Bir kuni Akmal maktabdan qaytayotib yo‘l chetida kichkina qushchani ko‘rib qoldi. Qushcha ucholmas, qanotini qimirlatib chirqillardi.
Akmal uni ehtiyotlab qo‘liga oldi. Uyiga olib borib, onasiga ko‘rsatdi. Onasi qushchaga suv berdi, kichkina qutiga yumshoq mato solib joy tayyorladi.
Bir necha kun o‘tgach, qushcha sog‘aydi. U qanotlarini qoqib, uchishga urinardi.
Akmal uni hovliga olib chiqdi. Qushcha osmonga ko‘tarildi. U bir aylanib, go‘yo rahmat aytgandek chirqilladi.
Akmal qushchaning uchib ketganiga biroz xafa bo‘ldi, ammo ko‘ngli quvonchga to‘ldi. Chunki u bir jonivorga yordam bergan edi.
