Recommendation
Ota-onalar uchun tavsiyalar
Sahifaning maqsadi
Ota-onalarga bolaning o'qish savodxonligini uy sharoitida har kuni qo'llab-quvvatlash usullarini ko'rsatish.
Farzandingizning yaxshi o'qishi faqat maktabga bog'liq emas. Uyda kitobga ajratilgan qisqa vaqt ham bolaning nutqi, fikrlashi, xotirasi va o'qishga qiziqishini rivojlantiradi. Bola kitobni sevishi uchun uni majburlash emas, qiziqtirish kerak.
Oddiy qoidalar:
- har kuni 10–15 daqiqa birga o'qing;
- bola xato o'qisa, darhol urishmang — avval tinglang, keyin muloyim tuzating;
- matn tugagach, "Nimani tushunding?" deb so'rang;
- bola javob berayotganda gapini bo'lmang;
- kitob tanlashda bolaning qiziqishini hisobga oling;
- kichik yutuqni ham maqtang.
15 daqiqalik mashg'ulot namunasi: kitob tanlash (2 daq.) → rasm va sarlavha bo'yicha suhbat (3 daq.) → o'qish yoki tinglash (5 daq.) → savol-javob (3 daq.) → "Men nimani o'rgandim?" xulosasi (2 daq.).
Amaliy misollar
Ota-ona savollari: Matn nima haqida edi? Hikoyada kim bor edi? Senga qaysi joyi yoqdi? Sen uning o'rnida nima qilarding? Bu hikoyadan qanday xulosa olding?
Savol-topshiriqlar
• Bola o'qigan matniga rasm chizadi.
• Matndan 3 ta yangi so'z topadi.
• Qahramon haqida 2 ta gap aytadi.
• Hikoyaga boshqa sarlavha qo'yadi.
• Matndan 3 ta yangi so'z topadi.
• Qahramon haqida 2 ta gap aytadi.
• Hikoyaga boshqa sarlavha qo'yadi.
Kutiladigan natija
Bola uyda kitob o'qishga odatlanadi, matn mazmunini tushunishga harakat qiladi va o'z fikrini aytishga o'rganadi; ota-ona rivojlanishni kuzatib boradi.