Bir sinfda Nodira ismli qiz o‘qir ekan. U juda tartibli, ozoda qiz ekan. Bir kuni dars vaqtida uning qizil qalami yo‘qolib qolibdi.
— Qalamimni kim ko‘rdi? — deb so‘rabdi Nodira.
Bolalar atrofga qarashibdi. Shu payt Jasur partaning tagidan qalam topib olibdi. Qalam juda chiroyli ekan. Jasur avval uni o‘ziga olib qo‘ymoqchi bo‘libdi. Keyin o‘ylabdi:
— Bu meniki emas. Egasi xafa bo‘ladi.
U qalamni Nodiraga beribdi.
— Mana, qalaming parta tagida ekan, — debdi Jasur.
Nodira xursand bo‘libdi:
— Rahmat, Jasur. Sen halol bola ekansan.
O‘qituvchi ham Jasurni maqtadi.
Qissadan hissa shuki, birovning narsasini egasiga qaytarish halollik belgisidir.
